កម្លាំងអន្តោប្រវេសន៍ឃាត់ខ្លួនជនបរទេសម្នាក់ ពីបទលួចស្នាក់នៅខុសច្បាប់(ទិដ្ឋាការស្នាក់នៅផុតសុពលភាពរយៈពេល១០៨ថ្ងៃ)
14-January-2020 | ដោយ ពលមនសិការ
សៀមរាប៖ កម្លាំងការិយាល័យស៊ើបអង្កេតនិងអនុវត្តនីតិវិធី បាននាំខ្លួនជនបរទេសម្នាក់ មកសាកសួរនៅការិយាល័យពាក់ព័ន្ធនឹងករណីលួចស្នាក់នៅខុសច្បាប់ ស្នាក់នៅតាមទីសាធារណៈ នៅចំណុចសួនច្បារមាត់ស្ទឹងសៀមរាប ស្ថិតនៅភូមិ មណ្ឌល១ សង្កាត់ ស្វាយដង្គំ ក្រុង/ខេត្តសៀមរាប កាលពីព្រឹកថ្ងៃទី១៤ ខែមករា ឆ្នាំ២០២០។
មន្ត្រីនគរបាលខេត្តសៀមរាប បានឲ្យដឹងថាជនបរទេសរូបនេះឈ្មោះ OCLAIR DEAN PHILLIP ភេទ ប្រុស កើតថ្ងៃទី០៤-១០-១៩៧១ ជនជាត អាមេរិក ទិដ្ឋាការស្នាក់នៅផុតសុពលភាពតាំងពីថ្ងៃទី២៨ កញ្ញា ២០១៩។
ប្រភពដដែលបន្តថា ជនបរទេសខាងលើ បានចូលមកព្រះរាជាណាចក្រកម្ពុជាកាលពីថ្ងៃទី២៨ សីហា ២០១៩ តាមច្រកទ្វារអាកាសយានដ្ឋានអន្តរជាតិភ្នំពេញ មកស្នាក់នៅចំណុចសួនច្បារមាត់ស្ទឹងសៀមរាប រយៈពេលប្រហែល២-៣ថ្ងៃមកហើយ។ ជនបរទេសរូបនេះមិនព្រមសហការផ្តល់ចម្លើយជូនសមត្ថកិច្ចយើងទេ។
បច្ចុប្បន្ន ជនបរទេសរូបនេះត្រូវបានសមត្ថកិច្ចឃាត់ខ្លួនបញ្ជូនទៅស្នាក់ការត្រៀមបណ្តេញចេញប្រចាំខេត្តសៀមរាបចាត់ការបន្តតាមនីតិវិធី ៕
ចំនួនអ្នកទស្សនា
- ថ្ងៃនេះ9101
- ម្សិលមិញ15681
- សប្តាហ៍នេះ67941
- ខែនេះ89821
- ឆ្នាំនេះ89821
- សរុប20532277